BAKI, 1 aprel. TELEQRAF

“Gündə iki litr suyun universal norması bir mifdir, çünki maye ehtiyacı fərdi olaraq hesablanır”.

Teleqraf xəbər verir ki, bu barədə “RİA Novosti”yə həkim Milena Osmanova məlumat verib.

Həkim bildirib: “Gündə iki litr su içmək məsləhətinin heç bir elmi əsası yoxdur. Norma çəkidən, aktivlikdən, iqlimdən və sağlamlıqdan asılıdır”.

“Qadınlara gündə 2-2,5 litr, kişilərə isə 2,5-3,5 litr su içmək tövsiyə olunur. Hamilə qadınlar adi normaya 0,5 litr, süd verən analar - 0,7-dən 1 litrə qədər əlavə etməlidirlər. 1 yaşdan 3 yaşa qədər olan uşaqlar üçün təxminən 1-1,3 litr, 4-8 yaşa qədər - 1,3-1,7 litr, 9 yaşdan 13 yaşa qədər - 1,7-2,4 litr lazımdır. Yeniyetmələrə gündə 2-3 litr içmək tövsiyə olunur”, - deyə həkim bildirib.