KƏLBƏCƏR, 8 iyul. TELEQRAF

Azərbaycan Ordusunun hərbi qulluqçuları Kəlbəcər rayonunda yol qəzasına düşüb.

Teleqraf-ın yerli bürosu xəbər verir ki, hadisə rayonun İstisu qəsəbəsində qeydə alınıb.

1980-ci il təvəllüdlü sürücü Xaliq Quliyev “UAZ” markalı avtomobillə hərəkətdə olan zaman idarəetməni itirib və nəticədə avtomobil yoldan çıxaraq aşıb.

İlkin məlumata görə, qəzada hərbi qulluqçular - Beyləqan rayon sakini, 1988-ci il təvəllüdlü Elmir Həsənov və Gəncə şəhər sakini, 2000-ci ildə anadan olmuş Vaqif Məmmədov müxtəlif dərəcəli bədən xəsarətləri alıblar.

Yaralılar xəstəxanaya yerləşdirilib, vəziyyətləri qənaətbəxşdir.

Faktla bağlı araşdırma aparılır.