Baş Mühafizə İdarəsinin Quba Regional Mühafizə şöbəsinin əməkdaşları rayon ərazisində oğurluğa cəhd etməkdə şübhəli bilinən şəxsi cinayət başında yaxalayıblar.

Teleqraf.com xəbər verir ki, bu barədə Daxili İşlər Nazirliyinin mətbuat xidmətinin Quba regional qrupu məlumat yayıb.

Daxil olmuş müraciət əsasında dərhal hərəkətə keçən Mühafizə Şöbəsinin polis əməkdaşları Xaçmaz rayon sakini Rəhman Rəhimovu hadisə yerində yaxlayıblar. O, ərzaq mağazasına qapını sındırma yolu ilə daxil olaraq oradan pul, eləcə də müxtəlif növ spirtli içkilər və ərzaq oğurlamağa cəhd edib.

Həmin şəxs polis əməkdaşları tərəfindən Quba rayon polis şöbəsinə gətirilib.

Quba rayon məhkəməsinin qərarı ilə R.Rəhimov barəsində inzibati həbs qaydasında tənbeh növü seçilib.