Tayvan və Macarıstan Livanda partlayan qurğuların istehsalını inkar edib.
Teleqraf.com xəbər verir ki, bunu Macarıstan hökumətinin rəsmi nümayəndəsi Zoltan Kovaç deyib.
O bildirib ki, "BAC Consulting" şirkəti sadəcə vasitəçi şirkətdir və bununla da Tayvanın “Gold Apollo” şirkətinin iddialarını təkzib edib.
Zoltan Kovaçın sözlərinə görə, sözügedən qurğular Macarıstanda heç vaxt mövcud olmayıb.
O qeyd edib ki, Budapeşt partlayışların araşdırılmasında bütün müvafiq beynəlxalq tərəfdaş qurum və təşkilatlarla əməkdaşlıq edir.
