BAKI, 28 sentyabr. TELEQRAF
Aralarında məşhurların da olduğu 48 idmançı İsrail futbol klubları və milli komandalarının beynəlxalq yarışlarda iştirakını qadağan edən petisiya imzalayıb.
Teleqraf xəbər verir ki, petisiyanı imzalayanlar arasında 2018-ci il Dünya Kubokunun qalibi Paul Poqba, mərakeşli futbolçu Hakim Ziyech və keçmiş İngiltərə kriketçisi Moeen Ali də var.
Qeyd edək ki, BMT-nin səkkiz eksperti Avropa Futbol Assosiasiyaları İttifaqı (UEFA) və Beynəlxalq Futbol Assosiasiyaları Federasiyasından (FİFA) İsrail klublarının və milli komandanın beynəlxalq yarışlarda iştirakını qadağan etməyi xahiş edib.
“The Times” yazır ki, bir neçə Avropa klubunun rəhbərləri Avropa yarışlarında İsrail komandaları ilə qarşılaşmamaq üçün UEFA nümayəndələri ilə müzakirə aparıblar.
