BAKI, 28 iyul. TELEQRAF
Rusiyanın "Dinamo Moskva" klubu Türkiyə "Beşiktaş"ından Baktiyor Zaynutdinovu transfer edib.
Teleqraf xəbər verir ki, bu barədə Moskva təmsilçisinin rəsmi saytı məlumat yayıb.
27 yaşlı qazaxıstanlı yarımmüdafiəçi "ağ-göylər"lə 4 illik müqavilə imzalayıb. "Transfermarkt" portalının məlumatına görə, keçidin məbləği 2,8 milyon avro olub.
Qeyd edək ki, Baktiyor Zaynutdinov 2023-cü ilin yayından "Beşiktaş"da idi. O, Qazaxıstan millisində keçirdiyi 42 oyunda 14 qolla yadda qalıb.
