BAKI, 23 avqust. TELEQRAF

Litvada şənbə günü baş verən güclü fırtınadan sonra təxminən 219 min istehlakçı hələ də elektrik enerjisiz qalıb.

Teleqraf xəbər verir ki, bu barədə ölkənin paylayıcı şəbəkə operatoru "Energijos skirstymo operatorius" müəssisəsinin nümayəndəsi Rasa Yuodkene məlumat verib.

"İntensiv təmir işlərinə baxmayaraq, təxminən 219 min müştərimizin elektriki yoxdur", — deyə R.Yuodkene bildirib.

Qasırğalı külək və şiddətli yağış səbəbindən işığı sönən istehlakçıların maksimum sayı şənbə günü axşam saatlarında 256 min nəfərə çatıb.

Bütün ölkə üzrə elektrik enerjisi infrastrukturu obyektlərində 3 minə yaxın qəza nöqtəsi qeydə alınıb. Qəzaların nəticələrinin aradan qaldırılmasına 600 nəfərə yaxın təmir briqadası cəlb olunub. Təmir işlərinin təxminən bir həftə çəkəcəyi ehtimal edilir.