BAKI, 19 iyul. TELEQRAF

Peruda 5,6 bal gücündə zəlzələ qeydə alınıb.

Teleqraf xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, zəlzələnin episentri əhalisi 300 mindən çox olan Uankayo şəhərindən 131 kilometr cənub-şərqdə yerləşib.

Yeraltı təkanın ocağı 22 kilometr dərinlikdə qeydə alınıb.

Hazırda zəlzələ nəticəsində xəsarət alanlar və dağıntılar barədə rəsmi məlumat açıqlanmayıb.