BAKI, 8 may. TELEQRAF
ABŞ Prezidenti Donald Trump Vaşinqton və Tehran arasında sazişin istənilən gün imzalana biləcəyini bildirib.
Teleqraf xəbər verir ki, Tramp bu barədə jurnalistlərə açıqlamasında danışıb.
“Biz İranla danışıqlar aparırıq”, - ABŞ prezidenti deyib.
Onun sözlərinə görə, tərəflər arasında razılaşmanın əldə olunması mümkündür:
“Bu, istənilən gün baş verə bilər. Həm də olmaya bilər. Düşünürəm ki, onlar sazişi məndən daha çox istəyirlər”, – Tramp vurğulayıb.
