BAKI, 8 aprel. TELEQRAF

Aprelin 8-nə keçən gecə Rusiyanın PUA-larla Ukraynanın İzmail şəhərinə endirdiyi zərbələr nəticəsində liman infrastrukturu zədələnib.

Teleqraf xəbər verir ki, bu barədə Ukrayna mətbuatı məlumat yayıb.

Bildirilib ki, İzmail şəhərində fəaliyyət göstərən müəssisələrdən birinin limandakı infrastrukturu zədələnib. Hücum nəticəsində anbar binalarının ərazisində yanğınlar baş verib. Hadisə yerinə cəlb olunan xilasedicilər yanğını operativ şəkildə söndürüblər.

İlkin məlumata əsasən, hücum nəticəsində həlak olan və ya xəsarət alan olmayıb.