BAKI, 15 yanvar. TELEQRAF
Nüvə İranına Qarşı Birlik (UANI) təşkilatı Tramp administrasiyasına İrana qarşı potensial hücumlar üçün 50 hərbi hədəfin xəritəsini təqdim edib.
Teleqraf xəbər verir ki, bu barədə "Daily Mail" qəzetindəki məqalədə qeyd olunub:
"Vaşinqtonda yerləşən Nüvə İranına Qarşı Birlik təşkilatı 50 hədəfdən ibarət dosye tərtib edərək Ağ Ev rəsmilərinə təhvil verib".
Mənbənin məlumatına görə, sənəddə İran İslam İnqilabı Keşikçiləri Korpusunun (SEPAH) qərargahının dəqiq koordinatları yer alıb.
