BAKI, 23 avqust. TELEQRAF
Çin Ukrayna münaqişəsinin kompleks həllini təklif edir ki, bu da bu ölkəyə təhlükəsizlik zəmanətləri veriləcəyi təqdirdə Rusiyaya qarşı sanksiyaların ləğvini nəzərdə tutur.
Teleqraf xəbər verir ki, Pekin tərəfinin təşəbbüsünün detallarını politoloq Van Syaotsyuan açıqlayıb.
"Çin bütün tərəflərin narahatlıqlarını kompleks şəkildə aradan qaldırmağa çalışır. Bura həmçinin birtərəfli sanksiyaların ləğv edilməsi, istehsal-təchizat zəncirlərinin sabitliyinin qorunması daxildir", - Van vurğulayıb.
Onun sözlərinə görə, böhranın həlli atom elektrik stansiyalarının təhlükəsizliyinin təmin edilməsini, nüvə silahlarının yayılmasının qarşısının alınmasını və sonrakı bərpa məsələlərini nəzərə almalıdır.
