BAKI, 4 aprel. TELEQRAF
Ukraynaya qarşı müharibənin başlamasından bəri Rusiya 900 000-dən çox hərbçi itirib, onlardan 250 000-i ölüb.
Teleqraf xəbər verir ki, bu barədə Almaniyanın “Deutsche Welle” nəşrinə NATO-dan bildirilib.
Alyans rəsmisinin sözlərinə görə, yaralanan rus hərbçiləri arasında tibbi xidmətin zəif olması səbəbindən bir çoxları ömürlük əlil olub.
Məlumatda deyilir ki, Rusiya ordusu hər gün 1000-dən çox ölü və yaralı itirməkdə davam edir.
“Rusiya qoşunlarının Ukraynada irəliləməsi ləngiyir, itkiləri artır, amma Kreml yavaş irəliləyiş müqabilində ağır itkilər verməyə davam etməyə hazırdır”, - rəsmi əlavə edib.
