BAKI, 2 aprel. TELEQRAF

Macarıstan Baş nazir Viktor Orban israilli həmkarı Benyamin Netanyahunun Budapeştə səfəri zamanı ölkəsinin Beynəlxalq Cinayətlər Məhkəməsindən (BCM) çıxdığını elan edəcəyi gözlənilir.

Teleqraf xəbər verir ki, bu barədə “The Times of Israel” məlumat yayıb.

Bu, Netanyahunun keçən il BCM-nin onun və o vaxtkı müdafiə naziri Yoav Qallant barəsində Qəzza zolağında hərbi cinayətlər törətməkdə şübhəli bilinərək həbs qərarı verdikdən sonra Avropaya ilk səfəri olacaq. Viktor Orban ötən ilin noyabr ayında BCM-nin Netanyahunun həbsinə dair qərarını rədd etmiş və onu həbs olunmaq qorxusu olmadan rəsmi səfərə dəvət etmişdi.

İsrail baş naziri sabah Budapeştdə macar həmkarı ilə görüşəcək.