BAKI, 19 mart. TELEQRAF

Türkiyənin İstanbul şəhərinin Baş Prokurorluğu saxladığı İstanbul şəhərinin bələdiyyə sədri Əkrəm İmamoğlu barəsində diqqətçəkən açıqlama verib.

Teleqraf xəbər verir ki, açıqlamada İmamoğlu və bələdiyyənin yüksək vəzifəli əməkdaşlarını PKK/KCK təşkilatına yardım etməkdə ittiham olunur.

Açıqlamada deyilir: "İmamoğlunun digər şübhəlilərlə birgə bələdiyyə seçkilərində PKK terror təşkilatının nüfuzunun artmasına, fəaliyyətinin genişlənməsinə dəstək verərək terror təşkilatına yardım etdiyi məlum olmuşdur".

Qeyd edilir ki, Əkrəm İmamoğlunun bələdiyyə seçkiləri zamanı PKK/KCK-nın “Xalqların Demokratik Konqresi” adlı çətir təşkilatı ilə ittifaq qurduğuna dair faktlar əldə edilib.

Həmçinin İstanbulun bələdiyyə sədri və digər şübhəlilər iş adamlarından rüşvət almaqda ittiham olunur.