BAKI, 7 may. TELEQRAF

Hindistanın Pakistan ərazisinə endirdiyi zərbələr nəticəsində 8 nəfər ölüb, 35 nəfər yaralanıb.

Teleqraf xəbər verir ki, bu barədə Pakistan Silahlı Qüvvələrinin ictimaiyyətlə əlaqələr şöbəsinin baş direktoru general-leytenant Əhməd Şərif Çaudri mətbuat konfransında deyib.

O, daha 2 mülki şəxsin itkin düşdüyünü söyləyib.

Əhməd Şərif Çaudrinin sözlərinə görə, Hindistan Pakistanın altı yaşayış məntəqəsinə ümumilikdə 24 hücum həyata keçirib.