BAKI, 8 avqust. TELEQRAF
İran rəhbərliyi Hörmüz boğazına nəzarəti ABŞ-yə qarşı ən mühüm strateji rıçağına çevirib və danışıqlarda bu mövqedən geri çəkilmək niyyətində deyil.
Teleqraf xəbər verir ki, bu barədə “The Wall Street Journal” yazıb.
Tehran hesab edir ki, dünya üzrə neft ixracının əhəmiyyətli hissəsinin keçdiyi bu həyati əhəmiyyətli su yoluna nəzarət ABŞ iqtisadiyyatına təzyiqi artırmaq və enerji qiymətlərini yüksək saxlamaqla Prezident Donald Trampın administrasiyasını, xüsusilə Konqresə aralıq seçkilərindən əvvəl İranın tələblərini qəbul etməyə məcbur edə bilər.
WSJ qeyd edib ki, bu strategiya Tehranın təzyiq rıçaqlarını gücləndirsə də, qonşu ölkələrlə gərginliyin daha da artması və İran iqtisadiyyatına daha böyük zərər dəyməsi riskini daşıyır.
“Tehran Hörmüz boğazına nəzarəti ABŞ və İsrailin gələcək mümkün hücumlarının qarşısını almaq üçün bir zəmanət hesab edir”, - mənbə əlavə edib.
