BAKI, 24 aprel. TELEQRAF

İranın xarici işlər naziri Abbas Əraqçi ABŞ prezidentinin xüsusi elçisi Stiven Uitkoffa Tehranın nüvə proqramı üzrə müvəqqəti razılaşma əldə olunmasını müzakirə etməyi təklif edib.

Teleqraf xəbər verir ki, bu barədə "Axios" portalı öz mənbələrinə istinadən məlumat yayıb.

Əraqçi, tərəflər arasında ABŞ Prezidenti Donald Trampın təklif etdiyi vaxt çərçivəsində nüvə proqramı ilə bağlı yekun razılığa gələ bilməyəcəklərini bildirib. Buna baxmayaraq, İranın xarici işlər naziri müvəqqəti razılaşmanın əldə olunmasının mümkünsüz olmadığını qeyd edib və bu məsələnin daha dərin müzakirələrə ehtiyacı olduğunu vurğulayıb.

Məlumatlara görə, müvəqqəti razılaşma məsələsi yaxın günlərdə daha detallı müzakirə ediləcək. Bu danışıqların nəticəsi isə İranın nüvə proqramı ilə bağlı tərəflər arasında mövcud olan gərginliyi azaldıb-azaltmayacağına qərar verəcək.