BAKI, 10 aprel. TELEQRAF

Qazaxda ölümlə nəticələnən avtomobil qəzası olub.

Teleqraf-ın xəbərinə görə, hadisə aprelin 9-da saat 17 radələrində Qazax şəhəri, Səməd Vurğun küçəsində baş verib.

2000-ci il təvəllüdlü Kazımov Anar Rəhman oğlu idarə etdiyi özünə məxsus "BMW" markalı avtomobillə həmin küçəsdə hərəkətdə olan zaman yolu keçən piyada, 1952-ci il təvəllüdlü İsmayılov Faiq Məcid oğlunu vurub.

Piyada aldığı xəsarətlərdən hadisə yerində ölüb.

Faktla bağlı Qazax RPŞ-də araşdırma aparılır.