BAKI, 17 mart. TELEQRAF

Ailə Biznesinə Asan Dəstək - "ABAD"ın məhsulları Amerika Birləşmiş Ştatları bazarına ixrac olunub və satışa start verilib. Sözügedən məhsullara bal, mürəbbələr, souslar, çay və fıstıq kimi qida məhsulları daxildir.

Teleqraf xəbər verir ki, bu barədə "ASAN" Xidmət Mərkəzi məlumat yayıb.

Bildirilib ki, "ABAD" pilot layihə olaraq fəaliyyətə Masallı rayonunda 7 təsərrüfatçı ailə ilə başlayıb və bu günə kimi 657 ailəyə dəstək tədbirləri həyata keçirilib. Onlardan 493-ü sənətkar, 142-si qida, 22-si isə digər sahələr üzrə fəaliyyət göstərib. “ABAD”çılarla həyata keçirilmiş kommersiya fəaliyyəti nəticəsində onların minlərlə çeşiddə sənətkarlıq, qida və digər müxtəlif növ məhsulları satışa çıxarılıb.