BAKI, 11 aprel. TELEQRAF

2024–2025-ci illərin istilik mövsümündə Rusiya Avropaya mayeləşdirilmiş təbii qaz (LNG) ixracını 2,5% artırıb.

Teleqraf xəbər verir ki, bu artım, Rusiyaya Avropada ikinci ən böyük LNG təchizatçısı mövqeyini qorumağa imkan verib.

Beynəlxalq Enerji Agentliyinin (BEA) hesabatında bildirilib ki, Rusiyanın Avropaya LNG tədarükünün 85%-i Belçika, Fransa və İspaniyanın payına düşüb.

Hesabatda həmçinin qeyd olunub ki, ABŞ Avropaya LNG ixracında lider mövqeyini qoruyub saxlayıb və qış dövründə Avropaya təchizatın yarıdan çoxunu təmin edib. ABŞ-dən Avropaya olan LNG ixracı 8% artaraq 3,5 milyard kubmetr yüksəlib.

Ümumilikdə, Avropa 2024–2025-ci illər istilik mövsümündə LNG idxalını 5% artırıb, bu da 4,5 milyard kubmetrə bərabərdir.