BAKI, 2 aprel. TELEQRAF

Bu ilin yanvar-fevral aylarında Azərbaycandan Almaniyaya 276,5 milyon ABŞ dolları dəyərində 500 min tondan çox bitumlu süxurlardan alınan xam neft və xam neft məhsulları ixrac olunub.

Teleqraf Dövlət Gömrük Komitəsinin hesabatına əsasən xəbər verir ki, bu, 2024-cü ilin müvafiq göstəricilərini dəyər ifadəsində 5,3 dəfə və ya 224,2 milyon dollar, həcm baxımından isə 6 dəfə və ya 417,3 min ton üstələyir.

Cari ilin ilk iki ayı ərzində ölkədən ümumilikdə 2,67 milyard dollar dəyərində 4,77 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Almaniya 2-ci yerdə qərarlaşıb və ixrac həcminin 10,5 faizi bu ölkənin payına düşüb.