GORANBOY, 20 avqust. TELEQRAF

İtkin düşmüş Goranboy rayon Səfikürd kənd tam orta məktəbin 11-ci sinif şagirdi Ümid İsayevin səhhəti normaldır.

Teleqraf-ın əldə etdiyi məlumata görə, onun əməlində hələlik heç bir cinayət tərkibi müəyyən edilməyib.

Ümid İsayevin Bakı şəhərinə özü könüllü getdiyi bildirilir.

Aidiyyəti qurumlar araşdırmanı davam etdirirlər.

***

10:06

Polis əməkdaşlarının keçirdiklər müvafiq tədbirlər nəticəsində Ümid İsayevin yeri Bakı şəhərində müəyyən olunaraq, Goranboy rayonuna gətirilib və ailəsinə təhvil verilib.

Bu barədə Teleqraf-ın Qərb bürosuna DİN-in Mətbuat Xidmətinin Gəncə regional qrupundan bildirilib.

***

12:31/19.08.2025

Goranboy rayon Səfikürd kənd tam orta məktəbin 11-ci sinif şagirdi Ümid İsayev itkin düşüb.

Bu barədə Teleqraf-ın Qərb bürosuna itkin düşən şəxsin yaxınları məlumat veriblər.

Onların sözlərinə görə, 2008-ci il təvəllüdlü Ü. İsayev 18 avqust tarixində evdən çıxıb və geri dönməyib.

Hazırda 17 yaşlı yeniyetmədən xəbər yoxdur.