BAKI, 7 iyul. TELEQRAF

Argentina Misir üzərində qələbə qazanaraq 1/4 finala yüksəlib.

Teleqraf xəbər verir ki, qarşılaşma 3:2 hesabı ilə Argentinanın xeyrinə yekunlaşıb.

***

Argentina oyuna əlavə edilmiş vaxtda növbəti qolunu vurub.

Teleqraf xəbər verir ki, 90+3-cü dəqiqədə Enzo Fernandes komandasına 3-cü qolu qazandırıb.

***

21:48

Argentinanın kapitanı Lionel Messi Misirlə qarşılaşmada hesabı bərabərləşdirib.

***

21:44

Argentina Misirlə hesab arasındakı fərqi birə endirib.

Teleqraf xəbər verir ki, Kristian Romero matçın 79-cu dəqiqəsində qol vurub.

***

21:32

Argentina-Misir matçında ikinci qol vurulub.

Teleqraf xəvər verir ki, VAR tərəfindən qolu ləğv edilən Mostafa Ziko matçın 67-ci dəqiqəsində komandasının üstünlüyünü iki topa çatdırıb.

***

21:23

Argentina-Misir matçında afrikalıların ikinci qolu ləğv edilib.

Teleqraf xəbər verir ki, hakim qayda pozuntusuna görə qolu qeydə almayıb.

***

21:10

Futbol üzrə dünya çempionatının Argentina - Misir oyununda ikinci hissə başlayıb.

Teleqraf xəbər verir ki, Misir 1:0 hesabı ilə üstünlüyü qoruyur.

***

20:23

Argentina-Misir matçında Lionel Messi penalti zərbəsindən yararlana bilməyib.

Teleqraf xəbər verir ki, bu, DÇ-2026-da Messinin qaçırdığı ikinci penalti zərbəsidir.

***

20:17

Argentina-Misir qarşılaşmasında ilk qol vurulub.

Teleqraf xəbər verir ki, Yasser İbrahim 15-ci dəqiqədə misirliləri sevindirib.

***

20:00

Futbol üzrə dünya çempionatının Argentina - Misir oyunu başlayıb.

Teleqraf xəbər verir ki, 1/8 final mərhələsinin oyunu Atlanta stadionunda keçirilir.

Qarşılaşmanı fransalı hakim Fransua Leteksye idarə edir.