BAKI, 18 aprel. TELEQRAF

“Turan Tovuz”un baş məşqçisi Kurban Berdiyevlə bağlı apellyasiya şikayəti təmin edilməyib.

Teleqraf AFFA-nın rəsmi saytına istinadən xəbər verir ki, Apellyasiya Arbitraj Tribunalı İntizam Komitəsinin aprelin 16-da türkmənistanlı mütəxəssislə bağlı çıxardığı qərarı qüvvədə saxlayıb.

Azərbaycan Premyer Liqasında XXX turun “Turan Tovuz” – “Sabah” oyununun 19-cu dəqiqəsində meydana daxil olaraq hakimin qərarına etiraz etdiyinə görə birbaşa qırmızı vərəqə aldıqdan sonra hakimləri təhqir etdiyi üçün Tovuz klubunun baş məşqçisi 3-ü şərti olmaqla 5 oyunluq cəzalandırılıb.

Bununla yanaşı, klub 4 000 manat cərimələnib və şərti cəzaya dair 3 ay sınaq müddəti təyin olunub.