BAKI, 19 fevral. TELEQRAF

"Abituriyent" 1 jurnalı nəşr olunduqda məlumat paylaşılacaq".

Bunu Teleqraf-a açıqlamasında Dövlət İmtahan Mərkəzinin mətbuat katibi Xanlar Xanlarzadə deyib.

O bildirib ki, proses başlayanda istifadəçilərə lazımi bütün məlumatlar təqdim olunur: "Ərizə qəbulu elektron formada aparılır və çox sadə bir prosesdir. Həmçinin "Abituriyent" 1 jurnalında verilən qəbul imtahanı proqramları sentyabrdan ictimaiyyətə təqdim olunub. Hazırda pdf formasında saytımızda var. Buraxılış imtahanı proqramları isə "Abituriyent" jurnalının xüsusi buraxılışında dərc olunub".

Qeyd edək ki, sosial şəbəkələrdə "Abituriyent" 1 jurnalının nəşrinin gecikdiyinə dair narahatlıq doğuran informasiyalar yayılıb.