BAKI, 3 iyun. TELEQRAF
ABŞ Prezidenti Donald Tramp sələflərindən fərqlənir ki, başqa bir ölkə ilə danışıqları güzəşt hesab etmir.
Teleqraf xəbər verir ki, bunu ABŞ dövlət katibi Marko Rubio Nümayəndələr Palatasının Xarici İşlər Komitəsinin dinləmələrində Rusiya ilə danışıqların gedişatını şərh edərkən bildirib.
“Düşünürəm ki, biz başa düşdük - və bu, son bir il yarım ərzində təsdiqlənib - heç bir həmsöhbətin olmamasındansa, digər tərəfdə həmsöhbətin olması daha yaxşıdır. Tramp istənilən şəxslə görüşməyə və danışmağa hazır olan bir prezidentdir. O, keçmişdə olduğu kimi, xarici tərəfdaşla danışıqlara və qarşılıqlı əlaqəyə güzəşt kimi baxmır”, - deyə ABŞ dövlət katibi bildirib.
Rubio əlavə edib ki, bəzən danışıqlar nəyəsə gətirib çıxarır, bəzən heç nəyə gətirib çıxarmır: "Bəzən potensial münaqişə və ya böhran halında bu ünsiyyət kanalı inanılmaz dərəcədə dəyərlidir".
