BAKI, 3 iyun. TELEQRAF
Rusiyanın Londondakı səfiri Böyük Britaniya Xarici İşlər Nazirliyinə çağırılıb.
Teleqraf xəbər verir ki, buna səbəb kimi Rusiyanın Ukraynadakı mülki əhaliyə, eləcə də Rumıniyadakı yaşayış binasına hücumları göstərilib.
"NATO ərazisində günahsız mülki şəxslərə qarşı qəbuledilməz hücumlar bizə Ukraynada hərbi təcavüzə məruz qalan mülki şəxslərin ağrılarını xatırladır.
İngiltərə Ukrayna, Rumıniya və digər NATO ölkələrinin yanında möhkəm dayandığını bir daha diqqətə çatdırır. NATO ərazisinin hər kvadrat santimetrini müdafiə edəcəyik", - deyə XİN-in yaydığı məlumatda qeyd olunur.
Qeyd edək ki, Rumıniya Müdafiə Nazirliyi 29 mayda Rusiyanın Ukraynaya gecə hücumları zamanı pilotsuz təyyarənin ölkənin hava məkanına daxil olduğunu və bir mənzil binasına çırpıldığını, nəticədə iki nəfərin yaralandığını açıqlayıb.
