BAKI, 31 may. TELEQRAF

"İran xalqının hüquqlarının qorunacağına tam əminlik yaradılmayana qədər, Tehran ABŞ ilə münaqişəyə son qoyacaq heç bir razılaşmanı qəbul etməyəcək".

Teleqraf xəbər verir ki, bu barədə İran İslam Şurası Məclisinin sədri Məhəmməd Baqir Qalibaf deyib.

Parlament sədri bu fikirləri qanunverici orqanın bu gün səhər keçirilən virtual iclasında səsləndirib.

"Qarşı tərəfin sözlərinə və vədlərinə etibar etmirik. Bizim üçün yeganə meyar öhdəliklərimizi yerinə yetirməzdən əvvəl real və praktik nəticələrin əldə olunmasıdır", - o vurğulayıb.