BAKI, 22 aprel. TELEQRAF

ABŞ Prezidenti Donald Tramp İranın münaqişənin həlli ilə bağlı təklif hazırlamaq üçün müddəti məhdudlaşdırmaq niyyətindədir.

Teleqraf xəbər verir ki, bu barədə CNN məlumat yayıb.

Aprelin 21-də Tramp Tehran təkliflərini təqdim edənə və danışıqlar başa çatana qədər İranla münaqişədə atəşkəsin uzadılacağını açıqlayıb.

Kanalın mənbələrinə görə, Tramp iranlılara birgə təklif hazırlamaq üçün məhdud müddət verməyi planlaşdırır.

Həmçinin qeyd olunur ki, ABŞ administrasiyası atəşkəsi qeyri-müəyyən müddətə saxlamaq niyyətində deyil.

CNN-in yazdığı kimi, prezidentin ətrafındakılar etiraf edirlər ki, Amerika qüvvələri tərəfindən Hörmüz boğazının blokadası nə qədər uzun müddət davam edərsə, qlobal iqtisadiyyata bir o qədər çox ziyan dəyəcək.

Eyni zamanda, Tehranın cavabın hazırlanması üçün vaxt məhdudiyyətlərinin tətbiqi ilə bağlı rəsmi bildiriş alıb-almadığı hələ də məlum deyil.