BAKI, 30 dekabr. TELEQRAF

ABŞ münaqişə bitdikdən sonra təhlükəsizliyin təmin edilməsi üçün Ukraynaya qoşun göndərməyə hazırdır.

Teleqraf xəbər verir ki, bunu Polşanın Baş naziri Donald Tusk bildirib.

Onun sözlərinə görə, ABŞ ilk dəfədir ki, bu məsələdə razılığını bəyan edib: "Atlantik okeanının o biri tərəfindəki tərəfdaşlarımızın nə qədər ardıcıl olduğunu görəcəyik, amma bu, bizə danışıqların uğurlu olacağına ümid verir", - Tusk bildirib.

Ukrayna lideri Volodimir Zelenski bir gün əvvəl ABŞ Prezidenti Donald Trampla danışıqlardan sonra 20 maddəlik sülh planındakı iki məsələnin həll olunmamış qaldığını bildirmişdi. Bu məsələlər Zaporojye Atom Elektrik Stansiyası və ərazilərlə bağlıdır.

O, sülh planının 90 faizinin tamamlandığını qeyd edib.