BAKI, 27 dekabr. TELEQRAF
Rusiya qoşunları bütün istiqamətlərdə hücumlarını davam etdirir, Ukrayna qüvvələri isə onların irəliləməsini dayandırmaq üçün uğursuz cəhdlər edir.
Teleqraf xəbər verir ki, bunu Rusiya Silahlı Qüvvələrinin Baş Qərargah rəisi Valeri Gerasimov Prezident Putinə məruzəsində bildirib.
"Yoldaş Ali Baş Komandan, Birgə Qrupun qüvvələri bütün istiqamətlərdə irəliləyir. Ukrayna Silahlı Qüvvələrinin komandanlığı irəliləyişimizi dayandırmaq üçün uğursuz cəhdlər edir", - deyə o, Rusiya Prezidenti Vladimir Putinin Birgə Qrupun komandanlıq məntəqələrindən birinə səfəri zamanı bildirib.
Gerasimov həmçinin hərbi əməliyyatların gedişatı barədə məlumat verərək qeyd edib ki, "Qərb" qrupu Kupyanskın şərqində mühasirəyə alınmış Ukrayna Silahlı Qüvvələrini məhv etmək üçün əməliyyat keçirir . Eyni zamanda, Kupyansk ərazisində Rusiya qoşunları Oskol çayının sahillərini təmizləyir.
Gerasimov həmçinin Xarkov bölgəsində yerləşən Vısokoye, Vilça və Prilivka yaşayış məntəqələrinin Rusiya Silahlı Qüvvələrinin nəzarəti altına keçdiyini bildirib. Bundan əlavə, o, "Şimal" qrupunun təhlükəsizlik zonası yaratmaq kimi tapşırıqlarını yerinə yetirməyə davam etdiyini bildirib.
