BAKI, 6 dekabr. TELEQRAF
"Həm Avropa İttifaqı, həm də Amerika Birləşmiş Ştatları sülhün qorunmasında ümumi məsuliyyəti bölüşürlər".
Teleqraf xəbər verir ki, bu fikirləri ABŞ-nin yeni milli təhlükəsizlik strategiyasının dərci kontekstində Avropa Komissiyasının sözçüsü şərhində bildirib.
"Biz strategiyada Rusiyanın Ukraynaya qarşı müharibəsinə son qoymağın güclü prioritetini alqışlayırıq. Avropa və ABŞ ədalətli və davamlı sülhü dəstəkləmək üçün ortaq məsuliyyəti bölüşür", - sözçü bildirib.
Avropa Komissiyası ABŞ-nin milli təhlükəsizlik strategiyasının Qərb yarımkürəsində baş verən hadisələrə - “ABŞ-nin öz təhlükəsizliyinin açarı”na verdiyi diqqəti də qeyd edir.
Avropa İttifaqı həmçinin “Avropa Birləşmiş Ştatlar üçün strateji və mədəni baxımdan həyati əhəmiyyətə malik olaraq qalır” və “transatlantik ticarət qlobal iqtisadiyyatın və Amerikanın rifahının sütunlarından biri olaraq qalır” fikri ilə tam razılaşır.
Sözçü xatırladıb ki, Avropa müdafiə məsələsində çoxdan ABŞ-yə arxalanır və son illərdə “biz səylərimizi artırmışıq və bunu davam etdirəcəyik”.
