BAKI, 27 noyabr. TELEQRAF

Amerikalı sahibkar İlon Mask Vaşinqtonda Ağ Ev yaxınlığında baş verən atışma hadisəsindən sonra ABŞ-də radikal islahatların aparılmasının zəruri olduğunu bəyan edib.

Teleqraf xəbər verir ki, Mask bu barədə "X" sosial şəbəkəsində paylaşım edib.

O, ABŞ-də mövcud idarəetmə və təhlükəsizlik sistemini “sınıq” adlandırıb.

“Günahsız insanların nə qədər ölməsi lazımdır ki, bu pozulmuş sistemi islah edək? Radikal tədbirlər zəruridir”, - deyə İlon Mask bildirib.

Daha əvvəl ABŞ Prezidenti Donald Tramp Vaşinqtonda baş verən silahlı insidenti miqrasiya siyasəti ilə əlaqələndirib.