BAKI, 30 sentyabr. TELEQRAF

İsrail hakimiyyəti ABŞ Prezidenti Donald Trampın Qəzza zolağında atəşkəs və Fələstin-İsrail münaqişəsinin başa çatması planının hazırlanmasında təmsil olunub və sənədin son mətninə bir neçə düzəliş edib.

Teleqraf xəbər verir ki, bu barədə “The Wall Street Journal” (WSJ) qəzeti yazıb.

Qəzetin məlumatına görə, ən nəzərəçarpan düzəliş dövlətçilik məsələsi ilə bağlıdır. Planın mətnində müstəqil Fələstin dövlətinin yaradılması imkanı nəzərdə tutulur, lakin orada iki dövlətli həll barədə heç bir qeyd yoxdur.

Bildirilir ki, Fələstin-İsrail münaqişəsinin iki dövlət prinsipi əsasında həllinin aydın perspektivi olmadan, Səudiyyə Ərəbistanının ABŞ liderinin planını maliyyələşdirməsi ehtimalı olduqca azdır.