BAKI, 22 mart. TELEQRAF

"Twitter" şirkətinin San-Fransiskodakı baş ofisinin binasında yerləşən "mavi quş loqosu" hərracda təxminən 35 min dollara satılıb.

Teleqraf xəbər verir ki, bu barədə "Associated Press" məlumat yayıb.

Məlumata görə, çəkisi 254 kiloqram, ölçüsü 3,7x2,7 metr olan nişan 34 375 dollara satılıb. Alıcının adı açıqlanmayıb.

"SpaceX" və "Tesla"nın qurucusu İlon Mask "Twitter" sosial şəbəkəni alandan sonra onun adı dəyişib, loqosu silinib. Hazırda bu şəbəkə "X" olaraq tanınır.