BAKI, 7 oktyabr. TELEQRAF
Zelim Tçkayev dünya çempionatında final qarşılaşmasına çıxıb.
Teleqraf xəbər verir ki, o, həlledici mərhələdə Tato Qriqalaşvili ilə qarşılaşıb.
Zelim Tçkayev üçqat dünya çempionuna məğlub olaraq gümüş medalla kifayətlənib.
***
15:26
Zelim Tçkayev dünya çempionatında yarımfinal qarşılaşmasına çıxıb.
Teleqraf xəbər verir ki, o bu mərhələdə Qazaxıstan təmsilçisi Abilayxan Zubanazar ilə üz-üzə gəlib.
O, rəqibini vaxtından əvvəl ipponla məğlub edərək finala vəsiqə qazanıb.
Qeyd edək ki, qazaxıstanlı idmançı daha əvvəl 1/8 finalda Vüsal Qələndərzadəni mübarizədən kənarlaşdırmışdı.
***
14:50
Zelim Tçkayev dünya çempionatında növbəti görüşə çıxıb.
Teleqraf xəbər verir ki, 81 kq çəki dərəcəsində mübarizə aparan cüdoçumuz 1/4 finalda belçikalı Mattias Kasse ilə qarşılaşıb.
O, rəqibini məğlub edərək yarımfinala vəsiqə qazanıb.
***
13:53
Zelim Tçkayev dünya çempionatında növbəti görüşə çıxıb.
Teleqraf xəbər verir ki, 81 kq çəki dərəcəsində mübarizə aparan cüdoçumuz 1/8 finalda Nugzari Tatavaşvili ilə üz-üzə gəlib.
Təmsilçimiz rəqibini məğlub edərək yarımfinala vəsiqə qazanıb.
***
12:12
Bakıda keçirilən cüdo üzrə böyüklər arasında dünya çempionatının dördüncü yarış günündə Azərbaycan təmsilçisi Zelim Tçkayev mübarizəyə başlayıb.
Teleqraf xəbər verir ki, 81 kq çəki dərəcəsində çıxış edən cüdoçumuz yarışa 1/16 final mərhələsindən qoşulub.
Tçkayev bu mərhələdə Moldovadan olan rəqibi Viktor Sterpu ilə qarşılaşıb. Görüşü qələbə ilə başa vuran təmsilçimiz rəqibini üstələyərək 1/8 final mərhələsinə vəsiqə qazanıb.