MİNGƏÇEVİR, 23 sentyabr. TELEQRAF
Mingəçevirdə satıcının yerində olmamasından istifadə edən şəxs qızıl oğurladı.
Teleqraf-ın Mərkəzi Aran bürosu xəbər verir ki, hadisə Heydər Əliyev prospekti 49 ünvanında yerləşən qızıl mağazasında baş verib.
Mağazadan qızıl oğurlayan şəxsin görüntüsü anbaan videoya düşüb.
Hadisə ilə bağlı Teleqraf-ın sorğusuna aydınlıq gətirən DİN Mətbuat Xidməti Şəki Regional Qrupu təmsilçisi polis kapitanı Mahir Məsimov bildirib ki, polis əməkdaşları tərəfindən əməli törədən şəxsin saxlanılması istiqamətində tədbirlər görülür.
Faktla bağlı araşdırma aparılır.
