Azərbaycan NATO-nun mənzil-qərargahında keçirilən xeyriyyə tədbirində təmsil olunub

BAKI, 15 noyabr. TELEQRAF

Azərbaycanın NATO yanındakı Nümayəndəliyi və Hərbi Nümayəndəliyi alyansın mənzil-qərargahında keçirilən xeyriyyə tədbirində ("NATO Charity Bazaar") fəal iştirak edib.

Teleqraf xəbər verir ki, bu barədə Azərbaycanın NATO yanındakı Nümayəndəliyi "X" sosial şəbəkə hesabında məlumat yayıb.

Bildirilib ki, 40 ölkənin bir araya gəldiyi tədbirdə Azərbaycan stendində milli məhsullar və milli mətbəx nümunələri nümayiş etdirilib.

Tədbiri NATO-nun Beynəlxalq Katibliyinin və Beynəlxalq Hərbi Qərargahının yüksəkvəzifəli rəsmiləri, alyansa üzv və tərəfdaş ölkələrin səfirləri, hərbi nümayəndələri, eləcə də digər qonaqlar ziyarət ediblər. Milli məhsullar və zəngin Azərbaycan mətbəxinin təqdim olunduğu stend ziyarətçilərin böyük marağına səbəb olub.

@AzMissionNATO and @AzMilRepNATO actively participated in the #NATOCharityBazaar event held at the @NATO HQ. At the event, which brought together 40 countries, Azerbaijan’s stand featuring national products and its national cuisine were showcased. The event was visited by senior officials of NATO’s International Staff and International Military Staff, ambassadors and military representatives of allied and partner countries to the Alliance, as well as other guests. The Azerbaijani stand featuring national products and our rich cuisine attracted great interest from visitors.

— Azerbaijan at NATO (@AzMissionNATO) November 15, 2026