BAKI, 12 fevral. TELEQRAF

1820-ci ildə qurulan Fransanın "Verney-Carron" şirkəti Ukrayna Silahlı Qüvvələrinə silah tədarükü müqaviləsi ləğv edildikdən sonra müflis olub.

Teleqraf xəbər verir ki, bu barədə "Agence France-Presse" (AFP) məlumat yayıb.

Bildirilir ki, Sent-Etyendə yerləşən silah istehsalçısı "Verney-Carron" çərşənbə axşamı müflis olduğunu elan edib. Şirkət müflisləşmə barədə qərar qəbul etməsi üçün məhkəməyə müraciət edib.

Telekanalın məlumatına görə, Ukraynaya silah tədarükü üçün 2023-cü ilin noyabrında elan edilmiş 36 milyon avroluq müqavilə hələ də təsdiqini tapmayıb.