BAKI, 26 sentyabr. TELEQRAF

Azərbaycan hazırda 16 ölkəyə təbii qaz tədarük edir.

Teleqraf xəbər verir ki, bunu xarici işlər naziri Ceyhun Bayramov BMT Baş Assambleyasının 81-ci sessiyasında çıxışı zamanı bildirib.

Nazir qeyd edib ki, Azərbaycan boru kəmərləri vasitəsilə qaz təchizatı üzrə dünyanın aparıcı ölkələrindən biridir.

Bayramovun sözlərinə görə, Azərbaycan 2030-cu ilədək təxminən 6 giqavat əlavə günəş və külək enerjisi gücünün yaradılmasını nəzərdə tutan sazişlər imzalayıb.

Həmin dövrədək ölkədə elektrik enerjisinin təxminən 40 faizinin bərpa olunan mənbələrdən əldə edilməsi gözlənilir.