BAKI, 5 aprel. TELEQRAF
Bu ilin yanvar-fevral aylarında Azərbaycan banklarının qeyri-faiz gəlirləri 305.1 milyon manat olub.
Teleqraf xəbər verir ki, Azərbaycan Mərkəzi Bankının açıqladığı statistikaya görə, bu, ötən ilin müvafiq dövrü ilə müqayisədə 35,5 milyon manat və ya 13,1 faiz çoxdur.
2024-cü ilin yanvar-fevral aylarında bankların qeyri-faiz gəlirləri 269,6 milyon manat olmuşdu.
Hesabat dövründə qeyri-faiz xərcləri 510.9 milyon manat olub ki, bu ötən ilin uyğun dövrü ilə müqayisədə 83,1 milyon manat və ya 19,4 faiz çoxdur.
