BAKI, 4 aprel. TELEQRAF

"Azərbaycan Mərkəzi Asiyadan Avropaya təmiz enerji axını üçün bir qapı kimi mühüm rol oynayacaq".

Teleqraf xəbər verir ki, bu barədə AİİB-in nümayəndəsi Hong Vey Bakıda Cənub Qaz Dəhlizi və Yaşıl Enerji Məşvərət şuralarının iclasları çərçivəsində “Azərbaycan Respublikasının Energetika Nazirliyi, Qazaxıstan Respublikasının Energetika Nazirliyi, Özbəkistan Respublikasının Energetika Nazirliyi ilə Asiya İnkişaf Bankı və Asiya İnfrastruktur İnvestisiya Bankı arasında Anlaşma Memorandumu”nun imzalanması mərasimi zamanı deyib.

“Asiya İnkişaf İnvestisiya Bankı “Xəzər Yaşıl Enerji Dəhlizi” layihəsinin texniki-iqtisadi əsaslandırmasının hazırlanmasında Azərbaycan, Qazaxıstan, Özbəkistan hökumətləri və Asiya İnkişaf Bankı ilə əməkdaşlıqdan məmnundur”, - o qeyd edib.

H.Vey bu layihənin Mərkəzi Asiyanın böyük təmiz enerji potensialının üzə çıxmasına imkan verəcəyini bildirib.