BAKI, 5 aprel. TELEQRAF
Bu il martın 1-nə Azərbaycanda daşınmaz əmlak sektorunda fəaliyyət göstərən hüquqi şəxslərə verilən kreditlərin həcmi 83,9 milyon manat olub.
Teleqraf xəbər verir ki, Azərbaycan Mərkəzi Bankının açıqladığı statistikaya görə, bu göstərici fevralın əvvəli ilə müqayisədə 1,5 milyon manat və ya 1,75% azdır.
Belə ki, fevralın 1-nə Azərbaycanda daşınmaz əmlak sektorunda fəaliyyət göstərən hüquqi şəxslərə verilən kreditlərin həcmi 85,4 milyon manat olmuşdu.
Ümumilikdə, bu il martın 1-nə Azərbaycanda real sektora kredit qoyuluşu üzrə kredit portfeli 29 milyard 402.9 milyon manat təşkil edib.
