BAKI, 2 aprel. TELEQRAF

ABŞ Prezidenti Donald Trampın bir sıra gömrük rüsumları hazırladığı bir vaxtda Almaniyanı əsl ticarət müharibəsi gözləyir. Bəs ölkənin avtomobil istehsalçıları bundan necə təsirlənəcək?

Teleqraf xəbər verir ki, Trampın idxal avtomobilləri və hissələrinə tətbiq edilən 25 faizlik gömrük rüsumuna əlavə olaraq bu həftə idxala dair yeni gömrük rüsumları elan edəcəyi gözlənilir.

Dünyada müxtəlif hökumətlər D.Trampın növbəti addımlarına qarşı hazırlaşsa da, yaranacaq vəziyyəti proqnozlaşdırmaq çətindir.

Alman Avtomobil Sənayesi Birliyi (VDA) ABŞ-də fəaliyyət göstərən fabriklərin xüsusilə Kanada və Meksikadakı təchizatçı şəbəkələrindən asılı olduğunu və bu tariflərin qlobal nəticələr yaradacağını açıqlayıb. Birliyin sözçüsü Simon Şüts “Euronews”a açıqlamasında xüsusilə ABŞ-dəki müştərilər üçün qiymət artımının qaçılmaz olacağını bildirib.

"Ola bilsin ki, uzunmüddətli perspektivdə gərginlik artsın. Buna görə də, indi bir həll tapmaq həyati əhəmiyyət daşıyır", – deyə o bildirib.

Alman avtomobil istehsalçıları ABŞ bazarında çox fəaldır. Bu istehsalçılar ABŞ zavodlarında 140 mindən çox insana iş imkanı yaradır və hər il 900 mindən çox avtomobil istehsal edirlər. Bu avtomobillərin yarısı ixrac olunur.

Simon Şüts Almaniya avtomobil sənayesinin üzləşdiyi yeganə çətinliyin gömrük tarifləri olmadığını qeyd edib. O, Almaniyanı daha rəqabətqabiliyyətli və cəlbedici iş yerləri yaratmağa fokuslanmağa çağırıb.

O, həmçinin Avropada enerji qiymətlərinin ABŞ və Çin ilə müqayisədə üç-beş dəfə daha yüksək olduğunu və bunun beynəlxalq biznes üçün ciddi problem yaratdığını vurğulayıb: