GƏNCƏ, 7 mart. TELEQRAF

Göygöldə yanğın hadisəsi baş verib. Yanğın rayonun Qızıl Qaya adlanan qəsəbəsində qeydə alınıb.

Teleqraf-ın Qərb bürosu xəbər verir ki, Rafael Qasımova məxsus yaşayış binasında yanğın zamanı qardaşı, 1950-ci təvəllüdlü Zöhrab Qasımov yaxın ətrafların yanğın diaqnozu ilə Gəncədə yerləşən xəstəxanalardan birinə aparılıb.

Hadisə yerinə Fövqəladə Hallar Nazirliyinin Göygöl və Gəncə yanğından mühafizə idarəsinin texnikaları və canlı qüvvəsi cəlb olunub. Onların köməkliyi ilə yanğın söndürülüb, alovun ətraf yaşayış evlərinə keçməsinin qarşısı alınıb.

Şahidlərin sözlərinə görə, yanğından əvvəl evin içində güclü partlayış olduğu bildirilir.

Yanğının səbəbləri araşdırılır.