MİNGƏÇEVİR, 2 sentyabr. TELEQRAF

Mingəçevir Sənaye Parkında gecə növbəsində çalışan 30 yaşlı qadının əli işlək vəziyyətdə olan qurğunun arasında qalıb.

Teleqraf-ın Mərkəzi Aran bürosu xəbər verir ki, hadisə gecə saatlarında baş verib.

Gecə növbəsində tekstil qurğusunda çalışan 1995-ci il təvəllüdlü əməkdaş Nəzrin Azad qızı Hüseynəlizadənin sol əli işlək vəziyyətdə olan qurğunun arasında qalıb.

Təcili xəstəxanaya çatdırılan yaralı qadın əməliyyat edilib və onun sol əlinin 4 barmağı amputasiya olunub.

Faktla bağlı araşdırma başlanılıb.