BAKI, 4 mart. TELEQRAF
Yaponiyanın şimal-şərqindəki İvate əyalətində altı gündür davam edən meşə yanğını genişlənərək 2600 hektara çatıb.
Teleqraf xəbər verir ki, bu barədə TASS agentliyi məlumat yayıb.
Məlumatda deyilir ki, yanğın 90-a yaxın yaşayış və ticarət binasını məhv edib, 1800 ev elektriksiz qalıb.
Ölkənin hər yerindən xilasedicilər əraziyə gələrək yanğınla mübarizə aparır. 5 minə yaxın yerli sakin təxliyə üçün tövsiyələr alıb, təxminən 1200 nəfər artıq təxliyə mərkəzlərindədir.
