BAKI, 20 avqust. TELEQRAF

“Qarabağ” UEFA Konfrans Liqasının pley-off mərhələsinin ilk oyununda səfərdə “Tvente”ni məğlub edib.

Teleqraf xəbər verir ki, Niderlandda keçirilən qarşılaşma Ağdam təmsilçisinin 1:0 hesablı qələbəsi ilə başa çatıb.

Matçda yeganə qolu 52-ci dəqiqədə Kadi Borges vurub.

Beləliklə, “Qarabağ” cavab oyunu öncəsi üstünlük əldə edib.

Qeyd edək ki, komandalar arasında cavab qarşılaşması avqustun 27-də Bakıda keçiriləcək.

***

23:11

"Qarabağ" "Tvente" ilə oyunda hesabı açıb.

Teleqraf xəbər verir ki, 52-ci dəqiqədə Kadi Borges "Qarabağ"ı hesabda önə keçirib - 1:0.

***

23:04

"Tvente" - "Qarabağ" matçında ikinci hissə başladı.

***

22:47

"Tvente" - "Qarabağ" matçında ilk hissə başa çatıb.

Teleqraf xəbər verir ki, qarşılaşmanın birinci hissəsində hesab açılmayıb.

***

22:00

“Qarabağ” bu gün UEFA Konfrans Liqasının pley-off mərhələsində ilk oyununa çıxacaq.

Teleqraf xəbər verir ki, Azərbaycan təmsilçisi səfərdə Niderlandın “Tvente” klubu ilə qarşılaşacaq.

Görüş Bakı vaxtı ilə saat 22:00-da başlayacaq.

Cütün qalibi iki oyunun nəticəsinə əsasən UEFA Konfrans Liqasının Liqa mərhələsinə vəsiqə qazanacaq.

Qeyd edək ki, “Qarabağ” və “Tvente” arasında cavab qarşılaşması avqustun 27-də Bakıda keçiriləcək.