SUMQAYIT, 25 yanvar. TELEQRAF
Azərbaycan Premyer Liqasının XVII turu çərçivəsində “Turan Tovuz” komandası “Sumqayıt”la qarşılaşıb.
Teleqraf xəbər verir ki, Mehdi Hüseynzadə adına Sumqayıt şəhər stadionunda keçirilən matç Tovuz təmsilçisinin 2:1 hesablı qələbəsi ilə başa çatıb.
Baş hakim Kamal Umudlunun idarə etdiyi görüşdə hesabı 13-cü dəqiqədə Hayderson Hurtado açıb. Kolumbiyalı müdafiəçi 60-cı dəqiqədə avtoqol müəllifi də olaraq hesabı bərabərləşdirib.
Kurban Berdıyevin rəhbərlik etdiyi kollektiv 69-cu dəqiqədə Rəhim Sadıxovun vurduğu qolla qalib gəlib.
Bununla da “Turan Tovuz” xallarının sayını 30-a çatdıraraq 3-cü pilləyə yüksəlib. “Sumqayıt” 27 xalla beşincidir.
Qeyd edək ki, tura bu gün keçiriləcək “Sabah” - “Karvan-Yevlax” oyunu ilə yekun vurulacaq. Görüş saat 18:30-da start götürəcək.
